सुनसरीमा मोटरसाइकलको ठक्करबाट महिलाको मृत्यु

सुनसरी, असोज २६ — PMS News Nepal

सुनसरीको कोशी गाउँपालिका–२ स्थित काली मन्दिर नजिकै मोटरसाइकलको ठक्करबाट एक महिलाको मृत्यु भएको छ।

प्रहरीका अनुसार असोज २६ गते दिउँसो करिब १:५५ बजे को २७ प २८५५ नम्बरको मोटरसाइकलले पैदल हिँडिरहेकी स्थानीय ४५ वर्षीया कौसिला यादवलाई ठक्कर दिएको थियो।

दुर्घटनामा घाइते भएकी यादवलाई उपचारका लागि विराटनगरतर्फ लैजाने क्रममा दिउँसो ३:१० बजे बाटोमै मृत्यु भएको जनाइएको छ।

घटनापछि प्रहरीले मोटरसाइकल र चालक बराहक्षेत्र नगरपालिका–७ निवासी करिब २१ वर्षीय सुमन सदालाई नियन्त्रणमा लिएको छ। घटनाबारे थप अनुसन्धान भइरहेको प्रहरीले जनाएको छ।

Image source : AI Generated 
News Source : Nepal Police Official Page 

PMS News Nepal
सत्य र विकासको सम्बाहक