सुनको मूल्य तोलामा २ हजार १ सय रुपैयाँले घट्यो, चाँदी पनि सस्तियो

काठमाडौं, असोज २६ — नेपाली बजारमा सोमबार सुन र चाँदी दुवैको मूल्यमा गिरावट आएको छ। नेपाल सुनचाँदी व्यवसायी महासंघ (FNGSGJA Nepal) का अनुसार आज सुनको मूल्य प्रतितोला २ लाख ९४ हजार ४ सय रुपैयाँ कायम भएको छ।

अघिल्लो दिन सुन प्रतितोला २ लाख ९६ हजार ५ सय रुपैयाँमा कारोबार भएको थियो। यससँगै सुनको मूल्य एकै दिनमा प्रतितोला २ हजार १ सय रुपैयाँले घटेको हो।

त्यस्तै, चाँदीको मूल्य पनि प्रतितोला २५ रुपैयाँले घटेको छ। अघिल्लो दिन प्रतितोला ४ हजार ४४० रुपैयाँ रहेको चाँदीको मूल्य आज घटेर ४ हजार ४१५ रुपैयाँ कायम भएको महासंघले जनाएको छ।