विविध

धादिङमा ग्यास बुलेट दुर्घटना, पृथ्वी राजमार्गमा पूर्ण रूपमा यातायात ठप्प

चितवनबाट काठमाडौं आउँदै गरेको भारतीय नम्बरको ग्यास बुलेट धादिङको गल्छी गाउँपालिका-७ मच्छेडी खोलामा दुर्घटनाग्रस्त भएको छ। दुर्घटनापछि पृथ्वी राजमार्गमा दुवैतर्फको यातायात सेवा पूर्ण रूपमा अवरुद्ध बनेको छ।

बिनिता परियार

काठमाडौं | २३ आश्विन २०८३, शुक्रबार

चितवनबाट काठमाडौंतर्फ आउँदै गरेको एचआर ३८एएल ३३६७ नम्बरको भारतीय ग्यास बुलेट धादिङको गल्छी गाउँपालिका-७ मच्छेडी खोलामा दुर्घटनामा परेको छ। दुर्घटनामा परि बुलेटका चालक घाइते भएको र उनको उपचार भइरहेको इन्स्पेक्टर श्यामकुमार बस्नेतले जानकारी दिएका छन्।

ग्यास बुलेट सडकमै पल्टिएकाले सुरक्षा संवेदनशीलतालाई ध्यानमा राख्दै मुग्लिन-काठमाडौं सडकखण्ड पूर्ण रूपमा अवरुद्ध बनेको छ। राजमार्गमा दुवैतर्फ सवारी साधनहरूको लामो लाइन लागेको छ। प्रहरीले दुर्घटनाग्रस्त बुलेटलाई हटाएर यातायात सुचारु गराउने प्रयास गरिरहेको छ।