१६ असोज, दाङ । कपिलवस्तुको चोरखोलामा बस र ट्रक ठोक्किँदा एक जनाको मृत्यु।

१६ असोज, दाङ । कपिलवस्तुको शिवराज नगरपालिका–१ स्थित चोरखोलामा आज बिहान ना.६ प ३३३३ नम्बरको ट्रक र लु.प्र.०३ ००१ ख ००९९ नम्बरको बस जुध्दा एक जनाको ज्यान गएको छ। दुर्घटनामा परी घाइते भएका बस चालक ३४ वर्षीय सुमन खत्रीको उपचारका क्रममा मृत्यु भएको प्रहरीले जनाएको छ। ठक्करबाट अन्य यात्रुहरू समेत घाइते भएका छन्। दुर्घटनालगत्तै प्रहरी टोलीले स्थानीयको सहयोगमा घाइतेहरूको उद्धार गरी उपचारका लागि नजिकैको चन्द्रौटा अस्पताल पठाएको छ। बिहानको समयमा तीव्र गतिका कारण दुर्घटना भएको हुनसक्ने अनुमान गरिएको छ। सवारी साधनहरू सडकबाट पन्छाएर यातायात सञ्चालन गराइएको छ भने घटनाबारे थप अनुसन्धान भइरहेको इलाका प्रहरी कार्यालयले जनाएको छ।