विविध

हेटौंडामा ट्रक दुर्घटना, चालक सख्त घाइते

महेन्द्र राजमार्ग अन्तर्गत मकवानपुरको हेटौंडा-१५ नयाँबस्तीमा सोमबार बिहान अनियन्त्रित भई ट्रक सडकबाट १० फिट तल खोलामा खस्दा दुर्घटना भएको छ। दुर्घटनाको थप विवरण आउन बाँकी रहेको प्रहरीले जनाएको छ।

बिनिता परियार

हेटौंडा | ५ आश्विन २०८३, सोमबार

महेन्द्र राजमार्ग अन्तर्गत मकवानपुरको हेटौंडा उपमहानगरपालिका-१५ नयाँबस्तीमा सोमबार बिहान साढे ४ बजे टेलर गाडी दुर्घटना भएको छ। वीरगञ्जबाट स्याउ लिएर काठमाडौंतर्फ आउँदै गरेको मधेश प्रदेश ०३-००१ख ९०६८ नम्बरको गाडी चालक निदाएपछि अनियन्त्रित भई सडकबाट १० फिट तल खोलामा खसेको प्रहरीले जनाएको छ।

उक्त दुर्घटनामा परी पर्साको वीरगञ्ज महानगरपालिका-२१ परवानीपुरका २५ वर्षीय चालक नरेश महतो र २८ वर्षीय सहचालक रमेश कुशवाह घाइते भएका छन्। दुर्घटनापश्चात् प्रहरीले उनीहरूलाई तत्काल उद्धार गरी उपचारका लागि हेटौंडा अस्पताल पठाएको छ।