अविरल वर्षापछि संखुवासभा जिल्ला अस्पतालको २० मिटर लामो पर्खाल भत्कियो

असोज, संखुवासभा । अविरल वर्षापछि जिल्ला अस्पताल संखुवासभाको कम्पाउण्ड वाल भत्किएको छ । वर्षाका कारण गएराति अस्पतालको करिब २० मिटर अग्लो र २० मिटर लामो पर्खाल भत्किएको हो । वर्षा भइरहेकाले पर्खालको संरचना समेत भत्किन सक्ने र थप क्षति हुनसक्ने स्थानीयले बताएका छन् । कम्पाउण्ड वाल कमजोर हुँदै गएको र जुनसुकै भत्किन सक्ने अवस्थाबारे अस्पताल प्रशासनलाई खबर गराइएको गुरुङले बताए । समयमै सावधानी र मर्मतसम्भार नगरिँदा पर्खाल भत्किएर घरहरू जोखिममा परेको स्थानीयको भनाइ छ । पहिरोले अस्पताल परिसरमा रहेको खाँदबारी खानेपानीको ट्याङ्की जोखिममा परेको छ । पहिरोका कारण खानेपानीको वितरण लाइन र ढोलवाजे क्षेत्रमा अवरुद्ध भएको खाँदबारी खानेपानी तथा उपभोक्ता सरसफाई संस्थाका अध्यक्ष दिब्यराज बरालले बताए ।