सुनसरीको देवानगन्जमा विवादमा घाइते भएका युवकको शरीरबाट गोली निकालियो

सुनसरीको देवानगन्ज–१ मध्यहर्षाहीमा शनिबार साँझ दुई समूहको विवादमा ८–९ जनाको समूहले चलाएको गोलीबाट घाइते २४ वर्षीय निरजकुमार यादवको नोबेल मेडिकल कलेज विराटनगरमा शल्यक्रिया गरी कम्मरमुनिको भागबाट गोली निकालिएको छ। प्रहरीका अनुसार निकालिएको गोली कटुवा पेस्तोलको जस्तो देखिन्छ। घटनामा संलग्न आरोपमा स्थानीयले नियन्त्रणमा लिएर प्रहरीलाई बुझाएका १८ वर्षीय विष्णुकुमार यादव र २६ वर्षीय जयकृष्ण यादवमाथि अनुसन्धान भइरहेको छ। हरिनगर बजारबाट फर्किने क्रममा पुरानो रिसिइबी र युवतीको विषयलाई लिएर निरजमाथि गोली प्रहार भएको प्रारम्भिक अनुसन्धानबाट खुलेको छ। प्रहरी नायव उपरीक्षक चन्द्र खड्काका अनुसार फरार अन्य अभियुक्तहरूको खोजी जारी छ।