बुद्धभुमिका बिराज सुनार उसु खेल खेल्न बंगलादेश प्रस्थान

बंगलादेश स्कुल खेलकुद संघ द्वारा ढाकामा आयोजनामा हुने साउथ एसियन स्कुल कम्बट गेम्सका लागि कपिलवस्तुबाट उसु खेलाडी बिराज सुनार बंगलादेश प्रस्थान गरेका छन्  ।

 अक्टोबर  २  देखि ४ सम्म ढाकामा हुने प्रतियोगितामा नेपालबाट ९ खेलाडीले  प्रतिस्पर्धा गर्नेछन् ।

 अर्घाखाँचीको खिदिममा माता माया सुनार र पिता बाबुराम सुनारको कोखबाट २०६५ मङ्सिर २५ मा जन्मिएका बिराज सानै उमेरदेखि उसु खेलमा रुचि राख्दै आएको परिवार श्रोतको भनाई छ ।

 कपिलवस्तुको बुद्धभुमि नगरपालिका ९ इमिलियामा रहेको श्री मावि मा कक्षा १० मा अध्ययनरत विराजले सानै उमेरमा गरेको प्रगती देखेर विद्यालयका प्रधानाध्यापक दिनेश खनालले खुसि व्यक्त गर्नुभयो ।

 बिराजलाई विमानस्थलमा बिदाई गर्दै उसु प्रशिक्षक दत्त प्रसाद पाण्डेले आफुले उत्पादन गरेको खेलाडी अन्तरराष्ट्रिय खेलमा समावेश हुँदा आफुलाई खुसी लागेको बताउनुभयो ।

 यस प्रतियोगिताबाट छनोट हुने खेलाडीले आगामी  दिनहरुमा अन्य मुलुकहरुमा समेत सहभागी हुने नेपाल उसु संघ लुम्बिनी प्रदेश अध्यक्ष कृष्ण प्रसाद भट्टराइले बताउनुभयो  ।

 सहभागी हुने ९ खेलाडीलाई राष्ट्रिय खेलकुद परिषदले विदाई गरेको हो ।