५५ आधारभूत अस्पताल सञ्चालनको तयारीमा सरकार

स्वास्थ्य तथा जनसंख्या मन्त्री प्रदीप पौडेलले तीन तहका सरकारहरू मिलेर ५५ आधारभूत अस्पताल सञ्चालनको तयारी भइरहेको बताएका छन्। प्रतिनिधिसभा बैठकमा उनले स्थानीय तहलाई हस्तान्तरण गरिएका अस्पताल सञ्चालनका कार्यक्रम अघि बढाइएको र आवश्यक चिकित्सक तथा उपकरण पठाउने तयारी भइरहेको जानकारी दिए। केही अस्पतालमा प्रक्रियागत समस्या रहेकाले ढिलाइ भएको उल्लेख गर्दै उनले बाँकेको सोनारी नरैनापुर-४ मा बनेको अस्पताल चाँडै सञ्चालनमा आउने बताए।