चीनद्वारा नास्टलाई डीएनए परीक्षणका लागि आवश्यक उपकरण तथा प्रविधि हस्तान्तरण।

चीन सरकारले रसुवा बाढीका मृतक तथा बेपत्ता व्यक्तिको पहिचानका लागि नेपाल विज्ञान तथा प्रविधि प्रज्ञा प्रतिष्ठान (नास्ट) लाई डीएनए परीक्षणका उपकरण, प्रविधि र सामग्री उपलब्ध गराएको छ। शिक्षामन्त्री महावीर पुनको उपस्थितिमा चिनियाँ राजदूत झाङ माओमिङले उक्त सामग्री हस्तान्तरण गर्नुभयो। बाढीपछि नमुनाको चाप बढेकाले नास्ट, राष्ट्रिय विधि विज्ञान र प्रहरी प्रयोगशालाबीच काम बाँडफाँड गरी ८०० बढी नमुना परीक्षण भइरहेको नास्टका प्रवक्ता डा. रामचन्द्र पौडेलले जानकारी दिनुभयो। विदेशी विज्ञहरूसँगको सहकार्य तथा चिनियाँ सहयोगले डीएनए परीक्षणलाई तीव्र बनाउनुका साथै नेपाली वैज्ञानिकहरूको क्षमता अभिवृद्धिमा महत्त्वपूर्ण योगदान पुगेको छ। नास्टले तयार पारेको डेटा विश्लेषणका लागि सम्बन्धित फरेन्सिक ल्याबमा पठाइनेछ।