एमाले स्थायी कमिटी बैठक आज बस्दै, विद्यादेवी भण्डारी पनि सहभागी हुने।

२२ असोज, काठमाडौं । नेपाल कम्युनिष्ट पार्टी (एमाले) को स्थायी कमिटी बैठक आज दिउँसो १ बजे पार्टी कार्यालयमा बस्दै छ।

यस बैठकको मुख्य आकर्षण भने पूर्वराष्ट्रपति विद्यादेवी भण्डारीको सहभागिता रहेको छ। हालै सम्पन्न एमालेको केन्द्रीय कमिटी बैठकले उनलाई वरिष्ठ उपाध्यक्षमा मनोनीत गरेको थियो। राष्ट्रपति बन्नुअघि उनी पार्टीको उपाध्यक्ष थिइन् भने लामो समयको अन्तरालपछि सक्रिय राजनीतिमा फर्किएर वरिष्ठ उपाध्यक्षको रूपमा उनी पहिलोपटक एमालेको बैठकमा भाग लिन लागेकी हुन्।

एमालेका प्रचार विभाग प्रमुख निरज आचार्यले पूर्वराष्ट्रपति तथा नवनियुक्त वरिष्ठ उपाध्यक्ष भण्डारी आजको स्थायी कमिटी बैठकमा सहभागी हुने औपचारिक जानकारी दिएका छन्।