अन्तर्राष्ट्रिय युवा दिवसमा प्रधानमन्त्री ओलीको शुभकामना

प्रधानमन्त्री केपी शर्मा ओलीले अन्तर्राष्ट्रिय युवा दिवसका अवसरमा शुभकामना व्यक्त गरेका छन्। १९९९ मा संयुक्त राष्ट्रसंघले हरेक वर्ष अगष्ट १२ लाई युवा दिवसका रूपमा घोषणा गरेको स्मरण गर्दै उनले युवाको ऊर्जा, सिर्जनशीलता र सपनामा राष्ट्रको भविष्य निहित रहेको बताए। सकारात्मक सोच, निरन्तर प्रयास र एकताबद्ध व्यवहारबाट समृद्ध नेपाल बनाउने संकल्प पूरा हुने उनले उल्लेख गरे।