आईएमई वारियरविरुद्ध ५–१ को फराकिलो जित निकाल्दै स्वीफ्ट टेक्नोलोजी विजयी बन्यो।

आईएमई ग्रुपद्वारा आयोजित पहिलो सिनर्जी कप २०८३ को उपाधि स्वीफ्ट टेक्नोलोजीले जितेको छ। धन्वन्तरी फुटसल मैदानमा भएको फाइनलमा स्वीफ्ट टेक्नोलोजीले आईएमई वारियरलाई ५–१ को फराकिलो अन्तरले पराजित गर्दै १ लाख नगद पुरस्कार हात पार्यो। दोस्रो र तेस्रो हुने टोलीले क्रमशः ५० हजार र ३५ हजार रुपैयाँ प्राप्त गरे।

ग्रुप अन्तर्गतका १८ कम्पनी सहभागी प्रतियोगिताको उद्घाटन खेलमा आईएमई ग्रुप म्यानेजमेन्ट समूहले सीईओ टोलीलाई २–० ले हरायो। संस्थापक अध्यक्ष चन्द्रप्रसाद ढकालले खेलले कर्मचारीहरूबीच सौहार्द्रता बढाउने बताए भने अध्यक्ष हेमराज ढकालले ट्रफी हस्तान्तरण गर्दै टोलीहरूको प्रशंसा गरे। कार्यक्रम एक्सन स्पोर्ट्स एचडी वानबाट प्रत्यक्ष प्रसारण गरिएको थियो।