सुदूरपश्चिमको प्रमुख पर्यटकीय शुक्लाफाँटा राष्ट्रिय निकुञ्जमा पर्यटकको आकर्षण तथा आगमनमा वृद्धि।

सुदूरपश्चिमको प्रमुख पर्यटकीय गन्तव्य कञ्चनपुरस्थित शुक्लाफाँटा राष्ट्रिय निकुञ्जमा चाडपर्वको समयमा आन्तरिक तथा बाह्य पर्यटकको आगमन बढेको छ। असोज २८ देखि कात्तिक ९ गतेसम्म ५६० आन्तरिक, २३ सार्क र ७ अन्य मुलुकका गरी ५९० जनाले निकुञ्जको भ्रमण गरेका छन्।

३०५ वर्गकिलोमिटरमा फैलिएको यो निकुञ्ज विश्वकै ठूलो बाह्रसिङ्गाको हुल, ५० पाटे बाघ, २० भन्दा बढी गैँडा र ४५० भन्दा बढी प्रजातिका चराचुरुङ्गीका लागि प्रसिद्ध छ। वर्षातपछि खुलेको निकुञ्जमा बिदा मनाउन आउने स्थानीय तथा विदेशी पर्यटकको सङ्ख्या बढ्दै गएको छ। कञ्चनपुरका अन्य पर्यटकीय स्थलहरूमा पनि पर्यटकको चाप बढेको छ।