दशैं अवधिमा अन्नपूर्ण चक्रीय पदमार्गमा पाँच हजारभन्दा बढी विदेशी पर्यटक।

 दसैँ अवधिमा (घटस्थापनादेखि कोजाग्रत पूर्णिमासम्म) चक्रीय अन्नपूर्ण पदमार्गमा ५ हजार ३८४ विदेशी पर्यटकले भ्रमण गरेका छन्। अन्नपूर्ण संरक्षण क्षेत्र आयोजना (एक्याप) का अनुसार गत वर्षको सोही अवधिमा २ हजार ७५७ पर्यटक मात्र आएका थिए, जसले यस वर्ष २ हजार ६२७ ले वृद्धि भएको देखाउँछ।

मनास्लु पदमार्गमा बाढीपहिरोले पुर्‍याएको क्षति, अनुकुल मौसम र घुमफिरप्रतिको बढ्दो आकर्षणका कारण पर्यटक आगमन बढेको हो। यस, पदमार्गमा सबैभन्दा बढी भारत, जर्मनी, इजरायल, फ्रान्स र अमेरिकाबाट पर्यटक आएका छन्। लमजुङको बेँसीसहरबाट सुरु भएर मनाङ, थोराङ्ला भञ्ज्याङ हुँदै मुस्ताङ पुग्ने यो पदमार्ग विदेशीमाझ अत्यन्त लोकप्रिय छ।