विविध

चितवनको धारापानीमा ट्रक, बस र माइक्रो ठक्कर खाँदा ११ घाइते।

पृथ्वी राजमार्गको इच्छाकामना-४, धारापानीमा आज बिहान बस, ट्रक र माइक्रोबस एकापसमा ठोक्किँदा ११ जना घाइते भएका छन्। घाइतेहरूको स्थानीय अस्पतालमा उपचार भइरहेको छ।

सपना न्यौपाने

काठमाडौँ | ११ कार्तिक २०८३, मंगलवार

पृथ्वी राजमार्गको चितवन, इच्छाकामना गाउँपालिका–४ धारापानीमा आज बिहान ८:४५ बजे ट्रक, बस र माइक्रोबस एकापसमा ठोक्किँदा ११ जना घाइते भएका छन्।

दुर्घटनामा सर्लाहीबाट काठमाडौँ आउँदै गरेको बस, काठमाडौँबाट मुग्लिनतर्फ जाँदै गरेको ट्रक र बुटवलबाट काठमाडौँ आउँदै गरेको माइक्रोबस जुधेका हुन्। घटनालगत्तै सशस्त्र प्रहरी बल विपद् व्यवस्थापन तालिम शिक्षालय, कुरिनटारबाट ६६ जनाको टोली उद्धारमा खटिएको थियो।

सशस्त्र प्रहरीका डीएसपी शैलेन्द्र थापाका अनुसार घाइतेहरूको स्थानीय अस्पताल र कुरिनटारस्थित सशस्त्र प्रहरीको ट्रमा सेन्टरमा उपचार भइरहेको छ। दुर्घटनाको विस्तृत विवरण आउन बाँकी रहेको छ।