रुपन्देहीमा ६ अर्ब लागतमा आधुनिक इन्धन डिपो निर्माण हुने

नेपाल आयल निगमले रुपन्देहीको रोहिणी नदी किनारमा करिब ६ अर्ब रुपैयाँ लागतमा आधुनिक इन्धन डिपो निर्माण गर्ने भएको छ। भालवारीस्थित डिपो साँघुरो र भीडभाडयुक्त क्षेत्रमा भएकाले नयाँ डिपो निर्माण गर्न लागिएको हो। करिब २५.५ बिघा क्षेत्रफलमा बन्ने डिपोमा १८,६८८ किलोलीटर डिजेल, पेट्रोल र मट्टीतेल भण्डारण क्षमता रहनेछ। तीन वर्षभित्र निर्माण सम्पन्न गर्ने लक्ष्य राखिएको छ।