समसामयिक विषयमा सांसदहरूको ध्यानाकर्षण

आजको प्रतिनिधिसभाको बैठकको शून्य समयमा सांसदहरूले समसामयिक विषयहरूमा सरकारको ध्यानाकर्षण गराए। सांसद रञ्जिता श्रेष्ठले नेता रेशम चौधरीको गिरफ्तारी प्रकरणमा निष्पक्ष छानबिनको माग गरिन्। सांसद कान्तिका सेजुवालले यूएईमा तीन महिनादेखि अलपत्र परेका दिपराज भण्डारीको उद्धार गर्न आग्रह गरिन्। यस्तै, सांसद ठाकुरप्रसाद गैरे, पूर्णबहादुर घर्ती मगर र मनीष झाले संसद भवन निर्माण, बजेट खर्च, र महिला सहभागिता वृद्धिको माग गरे।