बुद्धभुमि नगर खेलकुद विकास समितिको अध्यक्षमा यम प्रताप थापा

बुद्धभुमि नगर खेलकुद विकास समितिको अध्यक्षको जिम्मेवारी यम प्रताप थापाले पाएका छन  । 

 बुद्धभुमि नगरको खेलकुद विकास गर्न गठित ११ सदस्यीय नगर खेलकुद समितिलाई बुद्धभुमि नगरपालिकाका नगरप्रमुख केशव कुमार श्रेस्ठले मनोनित पत्र प्रदान गर्दै जिम्मेवारी हस्तान्तरण गरेका हुन, । 
कार्यक्रममा नगर प्रमुख श्रेस्ठले बुद्धभुमि खेलकुदलाई संस्थागत गर्नुपर्ने बताए । उनले खेलकुदको प्रष्ट कानुन तथा कार्यविधि अभावले गर्दा नगरस्तरीय खेलकुद विकास समिति गठन गर्न ढिला भए पनि समिति गठन गरेको बताए । श्रेस्ठले खेलकुदले नै युवा शक्ति एकीकृत गर्न मद्दत पुग्ने र नगरको वार्षिक बजेटमा खेलकुदको लागि बजेट व्यवस्था गर्ने समेत बताए ।

 नवनियुक्त अध्यक्ष थापाले नगरपालिकाले आफुलाई दिएको जिम्मेवारी बहन गर्ने, खेलकुदको विकासलाई अगाडि बढाउदै युवाहरुलाई खेल खेल्न प्रोत्साहन तथा सहयोग गर्ने प्रतिबद्धता समेत गरेकाछन, ।