आजको मौसम: देशभर साधारणतया बदली रहने

आज देशभरको मौसम साधारणतया बदली रहने जल तथा मौसम विज्ञान विभागले जनाएको छ। दिउँसो कोशी, बागमती र गण्डकी प्रदेशका हिमाली भेगमा वर्षा तथा हिमपात र पहाडी भू-भागमा मेघगर्जन/चट्याङसहित मध्यम वर्षाको सम्भावना छ। तराईका केही स्थानमा पनि हल्कादेखि मध्यम वर्षा हुनसक्छ। साथै कोशी, बागमती र गण्डकीका हिमाली तथा पहाडी क्षेत्रका एक-दुई स्थानमा भारी वर्षाको जोखिम छ।

रातिको समयमा देशका पहाडी तथा हिमाली क्षेत्रमा बदली रही कोशी, बागमती, गण्डकी र कर्णाली प्रदेशका हिमाली भू-भागमा हिमपात र वर्षाको सम्भावना कायम रहनेछ। मधेश तथा अन्य प्रदेशका तराई भेगमा आंशिक बदली भई केही स्थानमा चट्याङसहित मध्यम वर्षा हुनसक्नेछ।