‘आबाट आमा’ फिल्म १६ माघमा प्रदर्शन हुने

काठमाडौं । फिल्म ‘आबाट आमा’ आगामी १६ माघमा प्रदर्शन हुने भएको छ। बुधबार सार्वजनिक गरिएको पोस्टरमार्फत प्रदर्शन मिति घोषणा गरिएको हो। फिल्मले सन्तान र अभिभावकबीचको सम्बन्धलाई केन्द्रमा राखेको छ। ‘बा-आमाले पसिनाले घर बनाउनु भयो, हामीले रहर र बाध्यता पासपोर्ट बनाउनुपर्‍यो’ भन्ने नारा मार्मिक छ। फिल्ममा विपना थापा, प्रदीप रावत, पल शाह र सिमरन पन्त प्रमुख भूमिकामा छन्।