भोटेकोसी बाढीपहिरो पीडितका लागि होटल तथा रेस्टुरेन्ट व्यवसायी संघ कपिलवस्तुको नगद सहयोग

भोटेकोसी क्षेत्रमा गएको बाढीपहिरोबाट प्रभावित तथा मृतक परिवारका लागि होटल तथा रेस्टुरेन्ट व्यवसायी संघ कपिलवस्तुले राहतस्वरूप २८ हजार ५ सय ७७ रुपैयाँ संकलन गरी प्रधानमन्त्री दैवी प्रकोप उद्धार कोषमा जम्मा गरेको छ।

बाढीपहिरोका कारण प्रभावित परिवारलाई केही भए पनि राहत मिलोस् भन्ने उद्देश्यले संघका पदाधिकारी तथा सदस्यहरूबाट उक्त रकम संकलन गरिएको संघका अध्यक्ष पदम ढकालले जानकारी दिनुभयो। उहाँका अनुसार विपद्को समयमा पीडित परिवारप्रति ऐक्यबद्धता जनाउँदै आफ्नो क्षेत्रबाट सक्दो सहयोग गर्ने उद्देश्यले रकम संकलन गरिएको हो।

संघले संकलन गरेको रकम प्रधानमन्त्री दैवी प्रकोप उद्धार कोषमा जम्मा गराएको जनाएको छ। संघका अध्यक्ष ढकालले विपद्का कारण दुःखमा परेका परिवारलाई राहत तथा पुनःस्थापनामा सहयोग पुग्ने विश्वास व्यक्त गर्नुभयो।

राहत संकलनमा पदम ढकाल ५ हजार १ सय ५०, हरि खनाल १ हजार ५ सय, लक्ष्मण न्यौपाने १ हजार ५ सय, हुमनाथ पौडेल २ हजार १ सय ७, सिमकुमार श्रेष्ठ ५ हजार, वैकुण्ठ बेल्बासे २ हजार ५ सय ५, श्रीधर आचार्य ५ हजार १ सय, मोहन पाण्डे १ हजार ५ सय ५५, श्रीजना गैरे १ हजार १ सय ५५, कमला आचार्य ५ सय ५०, लेखनाथ घर्ती १ हजार ५ सय र हरिनारायण बेल्बासे १ हजार ५ सय ५ रुपैयाँ योगदान रहेको छ।

होटल तथा रेस्टुरेन्ट व्यवसायी संघ कपिलवस्तुको कार्यसमितिमा अध्यक्ष पदम ढकाल, महासचिव लक्ष्मण न्यौपाने, उपाध्यक्ष वैकुण्ठ बेल्बासे, कोषाध्यक्ष हुमनाथ पौडेल र सचिव सिमकुमार श्रेष्ठ रहनुभएको छ।

संघले विपद्को समयमा मानवीय सहयोग र सामाजिक उत्तरदायित्वलाई प्राथमिकतामा राख्दै आगामी दिनमा पनि आवश्यक सहयोग तथा सहकार्य गर्दै जाने जनाएको छ।