प्रधानमन्त्री ओलीद्वारा मधेसको खडेरी प्रभावित क्षेत्रको स्थलगत निरीक्षण

प्रधानमन्त्री केपी शर्मा ओलीले आज तराई-मधेसका खडेरी प्रभावित क्षेत्रको निरीक्षण गरेका छन्। मन्त्रिपरिषद्को बैठकले साउन ८ गते सम्पूर्ण मधेस प्रदेशलाई तीन महिनाका लागि विपद् प्रभावित क्षेत्र घोषणा गरेको हो। धान रोपाइँ प्रभावित भएपछि प्रधानमन्त्री ओलीले सम्बन्धित मन्त्री, प्रदेश सरकार र उच्च अधिकारीहरूसँग छलफल गरेका थिए। साथै, प्रधानमन्त्री ओली महोत्तरी र बारा जिल्लाका कार्यक्रमहरूमा समेत सहभागी हुने छन्।