नवलपरासी पूर्वमा बस दुर्घटना, २० जना घाइते

नवलपुर (नवलपरासी), मंसिर ६। मध्यमविन्दुस्थित पूर्व–पश्चिम राजमार्गमा भएको बस दुर्घटनामा २० जना घाइते भएका छन्। नारायणघाटबाट बुटवल जाँदै गरेको लु २ ख २८४५ नम्बरको बस खजुरी खोलामा दुर्घटना परेको प्रहरीले जनाएको छ। जिल्ला प्रहरी कार्यालयका सूचना अधिकारी मदु नेपालका अनुसार सबै घाइतेको उपचार मध्यमविन्दु प्रादेशिक अस्पताल डाँडामा भइरहेको छ। ताम्सरिया प्रहरी पोस्टबाट गएको टोलीले उद्धार गरेको हो। प्रारम्भिक अनुसन्धान अनुसार चालकले बस नियन्त्रण गुमाउँदा दुर्घटना भएको हो।