भारी वर्षाले भियतनाममा बाढी–पहिरो, कम्तीमा ७ जनाको मृत्यु

हानेई, नोभेम्बर १९। भीषण वर्षाले मध्य भियतनाममा बाढी र पहिरो निम्त्याउँदा कम्तीमा सात जनाको मृत्यु र धेरै घाइते भएका छन्। खान्ह होआसहितका पहाडी तथा तटीय क्षेत्रमा सडक अवरुद्ध हुँदा हजारौँ मानिस अलपत्र परेका छन्। एक बसमाथि पहिरो खस्दा छ जनाको मृत्यु भएको बताइएको छ। लगातारको वर्षाले केन्द्रीय उच्च भूभागका मार्ग बन्द छन्। वैज्ञानिकहरूका अनुसार जलवायु परिवर्तनका कारण भियतनाममा वर्षा र पहिरो झनै तीव्र बन्दै गएको छ।