दुर्गा प्रसाई उत्तेजक अभिव्यक्ति दिएको अभियोगमा काठमाडौंमा पक्राउ

काठमाडौं, कात्तिक २७।मिडिया व्यवसायी दुर्गा प्रसाईलाई शान्ति–सुरक्षा भंग हुने गरी उत्तेजक भाषण दिएको आरोपमा प्रहरीले पक्राउ गरेको छ। काठमाडौं उपत्यका प्रहरी कार्यालयका कार्यवाहक प्रमुख डिआईजी ओम अधिकारीका अनुसार प्रसाईलाई बयानका लागि पक्राउ गरिएको हो। उनलाई पक्राउपछि भद्रकालीस्थित जिल्ला प्रहरी परिसर काठमाडौंमा ल्याइएको छ। प्रसाई यसअघि पनि विवादास्पद अभिव्यक्तिका लागि पटक–पटक पक्राउ पर्दै आएका छन्।