इरान प्रवेश गर्न खोजेको मालवाहक जहाजमाथि अमेरिकी सैन्य कारबाही

इरानको बन्दरगाह प्रवेश गर्न खोजेको एउटा मालवाहक जहाजमाथि अमेरिकी सेनाले क्षेप्यास्त्र प्रहार गरेको जनाएको छ। अमेरिकी केन्द्रीय कमाण्डका अनुसार गाम्बियाको झण्डा बोकेको जहाजले चेतावनी बेवास्ता गर्दै नाकाबन्दी तोड्ने प्रयास गरेपछि इन्जिन कक्षमा प्रहार गरिएको हो। हाल जहाज ओमान खाडी क्षेत्रमा चल्न नसक्ने अवस्थामा रहेको छ। अमेरिकाले इरानमाथि समुद्री नाकाबन्दी लागू गरेयता इरानतर्फ जान खोजेका धेरै जहाज रोकिएको जनाएको छ। होर्मुज जलडमरूमध्य क्षेत्रमा बढ्दो तनावले तेल, ग्यास तथा अन्य आपूर्तिमा असर पारेको छ। युद्धविराम कायम रहे पनि आणविक वार्ताबारे छलफल जारी रहेको बताइएको छ।