कपिलवस्तु फोटोग्राफर संघ द्वारा खुल्ला रक्तदान कार्यक्रम सम्पन्न

कपिलवस्तु  फोटोग्राफर संघले १८४ औं विश्व फोटोग्राफी दिवस र संस्थाको स्थापना दिवसको अवसरमा खुल्ला रक्तदान कार्यक्रम सम्पन्न  गरेको छ ।

संघको  स्थापना दिवसको अवसरमा संघलेआज वाणगङा नगरपालिकाको जितपुर चोकमा बिहान ८ बजेदेखि दिउँसो २ बजेसम्म रक्तदान कार्यक्रम आयोजना गरिएको गरेको थियो ।

संघले आफ्नो स्थापना काल देखिनै रक्तदानका साथै विभिन्न सामाजिक कार्यक्रम आयोजना गर्दै आएको छ ।

आज सम्पन्न रक्तदान कार्यक्रममा संघका सल्लाहाकार, पूर्व तथा नि–वर्तमान तथा वर्तमान कार्यसमितिका सदस्यहरु, फोटोग्राफर तथा सवसाधारण नागरिकको उल्लेख्य सहभागिता रहेको थियो ।

कार्यक्रममा ७ जना महिला तथा ३२ जना पुरुष गरी ३९ जनाले रक्तदान गरेका थिए । रक्तदान कार्यक्रमको सञ्चालन संघका सचिव कर्ण तिवारी (कुमार ) तथा संयोजन दामोदर बेल्बासेद्वारा गरिएको थियो ।

रामचन्द्र बेल्बासेको अध्यतामा सम्पन्न भएको कार्यक्रममा अतिथि नेपाल रेडक्रस सोसाइटीका जिला शाखा कपिलवस्तुका मन्त्री सन्तोष कुमार श्रीवास्तव, नेपाल रेडक्रस सोसाइटी वाणगङा उपशाखाका सभापति संकर पाण्डे, वा न पा १ का वडा अध्यक्ष सन्जु कुमार सारु कपिलवस्तु फोटोग्राफर संघका निवर्तमान अध्यक्ष इन्द्रमणी बेल्बासे लगायतको उपस्तिथि रहेको थियो ।

संघले यसै अवसरमा ८ र ९ गते आफ्ना सदस्यहरुलाई निशुल्क फोटोग्राफी तालिम समेत राखेको छ ।