सुरखेतको चौकुनेमा गिद्धको सङ्ख्या बढ्यो

वन तथा वातावरण ऐनमार्फत जैविक विविधता संरक्षणमा स्थानीय सरकार सक्रिय भएपछि सुरखेतको चौकुने गाउँपालिकामा गिद्धको सङ्ख्या बढेको छ। गाउँपालिका अध्यक्ष खड्क बिकका अनुसार हालसम्म १२४ गिद्ध देखिएको छ। गिद्ध संरक्षणका लागि १२ समूह गठन गरिँदै दुई जना अधिकारी खटाइएको छ। परित्यक्त गाईगोरु राखिने गौशालामा मरेका जनावर राखिने भएकाले गिद्ध त्यहाँ आक्रर्षित भएका हुन्। संरक्षणमा सरकार र पक्षी विज्ञसँग समन्वय गरिँदैछ।