मोटरसाइकल दुर्घटनामा एकको मृत्यु, एक घाइते

बगनासकाली गाउँपालिका–१, राईडाँडामा मोटरसाइकल दुर्घटनामा परि पदमबहादुर दर्लामीको मृत्यु भएको छ। तानसेन–६ का ४१ वर्षीय दर्लामीको युनाइटेड मिसन अस्पताल तानसेनमा उपचारको क्रममा मृत्यु भएको हो। घोरबन्दा बाट बर्तुङ जाँदै गरेको मोटरसाइकल उकालोमा पछाडि फर्किएर दुर्घटनामा परेको थियो। उनका १८ वर्षीय छोरा मन्दीप दर्लामी सामान्य घाइते भएका छन् र हाल उपचाररत छन्।