इमिलिया खानेपानीको ५औं साधारण सभा सम्पन्न

जिल्लाको बुद्धभुमि ९ स्थित इमिलिया खानेपानी उपभोक्ता तथा सरसफाई समितिको ५ औं साधारणसभा सम्पन्न भएको छ ।

समितिका अध्यक्ष टिकाराम पन्थीको अध्यक्षता र  लुम्बिनी प्रदेश सभा सदस्य नवराज लामिछानेको प्रमुख आतिथ्यमा साधारणसभा सम्पन्न गरिएको हो ।

अध्यक्ष पन्थीले वार्षिक प्रतिवेदन प्रस्तुत गर्दै   सस्थाका समस्याहरु आफ्नो कार्यकालमा सबैसङ हातेमालो गर्दै समाधान गर्ने बताए ।

 व्यवस्थापक कमला न्यौपानेले स्वागत गरेको कार्यक्रममा  विशिष्ट अतिथिमा संघिय खानेपानी तथा ढल व्यवस्थापन आयोजना प्रमुख विनोद भुजेल, खानेपानी तथा सर सफाई  डिभिजन कार्यलय प्रमुख दिनेश शाह, बुद्धभुमि नगरपालिका वडा नम्बर ९ का वडा अध्यक्ष प्रमोद आचार्य, बुद्धभुमि ९ का पुर्व वडा अध्यक्ष खुमानन्द न्यौपाने अतिथिमा वडा सदस्यहरु, समितिका पुर्व अध्यक्षहरु, सल्लाहकार , विभिन्न सस्थाका प्रतिनिधिहरु, समाजसेवी, बुद्धिजिवी लगायतको उपस्थिति रहेको थियो ।

कार्यक्रममा  प्रमुख अतिथि, विशिष्ट अतिथि र अतिथिहरुले शुभकामना मन्तव्य राखेका थिए । सचिव रोमलाल खनालले सञ्चालन गरेको कार्यक्रममा कोषाध्यक्ष हिमाल पन्थीले आर्थिक प्रतिवेदन प्रस्तुत गरेका थिए ।

 कार्यक्रममा बोल्दै प्रमुख अतिथि लामिछनेले जनतालाई स्वच्छ पानी खुवाउन सुरुवाती देखिनै   समिति सकृयताका साथ लाग्दै आएको र आफ्ना सबै आय व्याय पार्दर्शि राख्दै आएकोमा हाल सम्मका सबै समितिहरुलाई धन्यवाद दिएका थिए ।