श्री मावि इमिलियाले जित्यो नगर स्तरिय राष्ट्रपति रनिङ शिल्डको उपाधी

बुद्धभुमि नगरपालिकामा भएको नगर स्तरिय राष्ट्रपति रनिङ शील्ड प्रतियोगिता २०८० को उपाधी श्री मावि इमिलियाले जितेको छ ।

आज सम्पन्न प्रतियोगितामा ११ स्वर्ण, ९ रजत र ७ कांस्य पदक  र मेडलसहित श्री मावि इमिलियाले उपाधिमा कब्जा जमाएको हो।

लुम्बिनी प्रदेशकै नमुना विद्यालयको रुपमा गुणस्तरिय शिक्षा प्रदान गर्दै आएको श्री मावि इमिलियाले खेल तथा अतिरिक्त क्रियाकलापमा समेत सफलता हात पार्दै आएको छ ।

आफ्नो विद्यालयले जित हातपार्दा खुशी व्यक्त गर्दै विद्यालयका प्रधानाध्यापक खगेश्वर खनालले सम्पुर्ण खेलाडी विद्यार्थी तथा शिक्षक हरुलाई बधाई तथा धन्यवाद समेत व्यक्त गर्नुभयो ।