बुद्धभुमि १ ले गर्यो अन्तर विद्यालय  वडा स्तरिय  खेलकुद प्रतियोगिता

बुद्धभुमि नगरपालिका वडा नंम्बर १ को कार्यालयले टिक्कर खेल मैदानमा सातौ अन्तर विद्यालय  वडा स्तरिय  खेलकुद प्रतियोगिता गरेको छ । वडा स्तरिय खेलकुद प्रतियोगितामा वडाका ८ स्कुलका  विद्यार्थीहरु खेलमा सहभागी थिए ।
खेलकुद प्रतियोगितामा हाइजम्प, कुर्सि दौड, चम्चा दौड,  लङ्जम्प लगायतका खेल सञ्चालन भएका थिए । खेलको आकर्षक कुर्सी दौड रहेको थियो । 
खेलकुद प्रतियोगिताको उदघाटन गर्दै नगर प्रमुख केशव कुमार श्रेष्ठले खेलकुद विद्यार्थीका लागि महत्वपूर्ण पक्ष भएको बताउनुभयो । उदघाटन कार्यक्रमका प्रमुख अतिथि समेत रहेका श्रेष्ठले नगरपालिकाले गर्ने अन्य गतिविधिमा सहभागि हुन समेत आग्रह गर्नुभयो 

कार्यक्रममा वडा नं १ का वडा अध्यक्ष तेज बहादुर बस्नेतले  नगरपालिका र वडाले खेलकुद क्षेत्रको लागि रकम छुट्टाउन कञ्जुस नगर्ने बताउनुभयो । आगामी दिनमा पनि खेलकुदका कार्यक्रम सञ्चालन गर्ने बताउनुभयो ।

 सिद्धार्थ स्मारक मावि भेलाईले व्य्वस्थापन गरेको उक्त कार्यक्रममा वडा सदस्यहरु, विभिन्न स्कुलका प्रधानाध्यापक, शिक्षक , समाजसेवी वुद्धिजिवी लगायतको उपस्थिति रहेको थियो ।

  कार्यक्रममा सिद्धार्थ स्मारक माविका नि. प्र अ जिवलाल पन्थीको स्वागत मन्तव्य रहेको कार्यक्रमको सन्चालन शिक्षक गिरिप्रसाद खनालले गर्नुभएको थियो ।