बरकुलपुर स्वास्थ्य चौकीले मनायो २० औं स्वयंसेविका दिवस

स्वास्थ्य क्षेत्रमा दिगो विकास, महिला सामुदायिक स्वास्थ्य स्वयंसेविकाको संयुक्त प्रयास भन्ने मूल नारासहित कार्यक्रम गरी दिवस मनाइएको हो।

बुद्धभुमि ९ का वडा अध्यक्ष प्रमोद आचार्य , स्वास्थ्य चौकी व्यवस्थापन  समिति सदस्य रोमलाल खनाल, विभिन्न स्कुलका प्रधानाध्यापक तथा प्रतिनिधिहरु, पत्रकार , समाजसेवी , स्वास्थ्यचौकीका कर्मचारी लगायतको उपस्थिति रहेको कार्यक्रममा बोल्दै वडा सदस्य तथा कार्यपालिका सदस्य अनिता देवी यादवले पुरुषका सपना मनोरञ्जनात्मक हुने र महिलाका सपना पारिवारिक तथा सामाजिक हुने उदाहरण प्रस्तुत गर्दै महिला स्वयंसेविकाको स्वास्थ्यमा मात्र नभएर सबै क्षेत्रमा उत्तिकै भूमिका रहेको बताउनुभयो। 

 वडा अध्यक्ष प्रमोद आचार्यले देशमाआर्थिक  तरलताको कारण भने जस्तो सम्मान गर्न नसकेको विचार राख्दै उहाँले समाजका बालबालिका र महिलालाई स्वास्थ्य सेवा दिएर पुर्‍याएको योगदानको  स्थानिय तहले उच्च मूल्याङ्कन गर्ने बताउनुभयो ।

 बरकुलपुर स्वास्थ्यचौकी प्रमुख चन्द्रावती अधिकारीले विना पारिश्रमिक अहोरात्र खटिएर सेवा दिने सेविकाहरुलाई धन्यवाद दिदै  हौसला समेत प्रदान गर्नुभएको थियो ।